Лекар со прегратка смирува расплакан повозрасен ковид пациент

Џозеф Варон работи како лекар кој згрижува пациенти заболени од коронавирус во болница во Тексас. Работел 252 дена без престан кога во единицата за интензивна нега здогледал расплакан постар маж заразен со Ковид-19.

Утешната прегратка на Варон за стариот маж на Денот на благодарноста била фотографирана од фотограф за "Getty Images" и веднаш потоа фотографијата станала вирална ширум светот.

Доктор Варон за "CNN" изјавил дека на влезот во единицата за интензива нега видел расплакан постар пациент кој се обидувал да стане од својот кревет и да излезе од собата. Лекарот го прегрнал и со прегратката успеал да го смири пациентот.

Човекот од фотографијата се чувствува подобро и додал дека се надева дека ќе излезе од болница пред крајот на неделата, изјавил лекарот.