Легализирани 53 дивоградби во Кисела Вода

Нови 53 решенија за легализирани дивоградби се денеска доделени во општина Кисела Вода, со што вкупно се решени 5.183 предмети 37 отсто од пристигнатите 13.853 барања за легализација.

Од Општина Кисела Вода информираат дека бројот на поднесени барања без геодетски елаборат изнесува 3.724. Изготвени се уште 207 урбанистички согласности, од кои, за 176 се чека уплата на надоместокот, за постапката за изготвување на решенијата за легализација на објектите да може да се продолжи.

Општина Кисела Вода ги повикува сите граѓани кои ја немаат докомплетирано документацијата што поскоро да ја достават до административните служби.