Леброн: Сега е време да се дејствува

 Кошаркарот на Лос Анџелес лејкерс, Леброн Џејмс, ги објави своите намери за втората половина од регуларната сезона во НБА-лигата.

– Сега е време да се дејствува. Одиме до последниот круг пред плејофот. Во првата половина од сезоната работите во ниска брзина, а во втората почнувате да забрзувате. Кога ќе започне плејофот, треба да го достигнете максимумот. Овој пристап го практикував последните неколку години, сè повеќе забрзувајќи кон крајот на регуларната сезон, изјави Џејмс за „ESPN“.

Лејкерси се на третото место на табелата во Западната конференција на НБА. Екипата на Лос Анџелес има 24 победи и 13 порази.