Лавров: Москва загрижена поради ограничувањата на работата на руските новинари

Министерот за надворешни работи на Русија, Сергеј Лавров изјави денеска дека Москва е загрижена поради бројните случаи во кои на руски новинари им се ограничува работата во западни медиуми.

- Загрижени сме поради многу случаи во кои професионалните активности на нашите респортери се ограничуваат. Се надеваме дека професионалните здруженија ќе продолжат да ги промовираат високите стандарди на новинарство, изјави Лавров на состанок со претставници на невладиниот сектор. 

Според него, како што јави ТАСС, во време на забрзан развој на информациските и комуникациските техологии, објективното известување доста зависи од медиумите, поради што не е од помош тоа што Западот се фокусирал да ја дискредитира Русија.