„Лакомите“ англиски клубови ја рушат ЛШ?!

Најдобрите англиски фудбалски клубови: Манчестер Јунајтед, Челзи, Арсенал, Ливерпул и Манчестер Сити, одржале таен состанок на кој главна тема била напуштање на Лигата на шампионите! Како што пренсува таблоидот  The Sun, преставници на наведените тимови, во Лондон, оствариле средба со американскиот милијардер, Стивен Рос, со кого разговарале на оваа тема.

 

Според истиот извор, Јунајтед го преставувал Ед Вудворд, преставник на Челзи бил Брус Бак, на Арсенал Иван Газдис, на Сити Феран Соријано, а на Ливерпул Ијан Ајр. Американецот Рос е сосптвеник на НФЛ тимот Мајами Долфинс и е кретатор на Меѓународниот куп на шампионите, натпреварување кое во летниот период се одржува во САД и на кое како дел од подготовките учествуваат најдобрите европски тимови.

 

Единствена тема на состанокот била основање натпреварување во кое би играле најбогатите европски екипи, со кое би завршила доминацијата на Лигата на шампионите.

 

Покрај најбогатите англиски тимови, и други европски гиганти биле планирани да бидат дел од новото натпреварување, кое на тимовите би им гарантирало учество без оглед на пласманот во националните првенства.

 

Доколку се случи идејата да биде набргу реализирана, најголема корист би имале Јунајтед, Ливерпул и Челзи кои во тековната сезона во Премиерлигата не се наоѓаат на позициите кои обезбедуваат настап во Лигата на шампионите на УЕФА.

 

Јунајтед предминатата сезона не играше во ЛШ, што кај најбогатиот светски клуб остана без планираните финансиски средства, а слично е и со Ливерпул, екипа која редовно се мачи да обезбеди пласман во ЛШ.

 

Рос на клубовите им гарантира многу поголема заработувачка, од она што им следува со настапот и остварените резултати во Лигата на шампионите.