Лајчак денеска престојува во Приштина и во Белград

Специјалниот претставник на Европската унија за дијалогот меѓу Белград и Приштина, Мирослав Лајчак денеска ќе престојува во Приштина, а потоа во Белград, каде ќе има средби со учесниците во дијалогот.

Лајчак во текот на денот ќе престојува во Приштина, како што соопшти косовската влада, каде ќе има работен ручек со премиерот на Косово, Албин Курти и со шефот на приштинската делегација во дијалогот, Бесник Бислими.

Како што соопшти Претседателството на Србија, Лајчак доцна попладне во Белград ќе се сретне со претседателот на Србија, Александар Вучиќ.