Лацио го освои Супер купот на Италија

Екипата на Лацио го освои италијанскиот Супер куп, откако синоќа во Рим го победи Јувентус со 3:2.

 

Домашните фудбалери беа подобри од освојувачот на двојната круна, а победничкиот гол го постигнаа во судиското надополнување по што следуваше голема радост на трибините на „Олимпико“.

 

Лацио поведе во 32.минута со голот на Чиро Имобиле од пенал. Истиот играч во 54.минута зголеми на 2:0. Во последните десетина минути беа постигнати три погодоци. Најпрво Јувентус изедначи со головите на Пауло Дибала во 85 и 91.минута од пенал, а две минути подоцна Алесандро Мурџа му го донесе првиот трофеј на Лацио во новата сезона.

 

Веќе следниот викенд двете екипи ќе ги одиграат натпреварите од првото коло во сезоната 2017/18 во Серија А. Лацио ќе биде домаќин на СПАЛ, додека Јувентус го пречекува Каљари.