Курти ги повика опозициските лидери на средба во вторник
Косовскиот премиер, Албин Курти ги повика лидерите на трите најголеми опозициски партии, Мемли Красниќи (Демократска партија на Косово), Љумир Абдиџику (Демократски сојуз на Косово) и Рамуш Харадинај (Алијанса за иднината на Косово), да се сретнат утре, со цел да ги информира за последната средба во Брисел со претсдателот на Србија, Александар Вучиќ, јави дописникот на МИА од Приштина.
Портпаролот на Владата, Прпарим Криезиу изјави за медиумите дека поканите за утрешната средба на опозициските лидери им се испратени по електронска пошта вчера, а денеска ќе им бидат доставени и во физичка форма. Средбата Курти ја најави вчера, на седницата на Генералниот совет на неговата партија, Движење самоопределување.
Во таа прилика Курти изјави дека политичките несогласувања меѓу власта и опозицијата не смеат да го надминат државниот интерес.
Ново на Сител
-
Какви последици може да имаат злоупотребите во Академијата за судии и јавни обвинители?
-
Тема на денот со д-р Злате Мехмедовиќ
-
Преглед на вестите од светот
-
Дали врховен судија посредувал за прием и полагање на кандидати за судии и обвинители?
-
Поништени пресметките на претходниот балансер, зголемен процентот на Македонци, намален на Албанци
-
Мицкоски и Меџити во одбрана на владиниот легитимитет за првите 30 дена
-
ДУИ не чувствуваат одговорност за измените на Кривичниот законик, ВРЕДИ ги повикаа да признаат дека згрешиле
-
Српски полицајци ќе патролираат во Охрид