Курир: 40-годишен сопруг и татко од Кисела Вода е модераторот на „Јавна соба“ на „Телеграм“
Јавноста, а особено родителите се кренаа на нозе откако беше обелоденето постоењето на групата „Јавна соба“ на апликацијата Телеграм.
Во групата имало 7.400 корисници каде малолетници и возрасни објавувале, споделувале и коментирале интимни фотографии и видеа со порнографска содржина од малолетни девојчиња од Македонија.
Дел од жртвите сами се појавија во јавноста, но профилите на двајцата администратори и двајцата модератори се истражуваат од надлежните.
КУРИР преку свои неофицијални извори дојде до профилот на еден од модераторите во оваа ужасна група.
Како што дознаваме станува збор за маж од населба во Општина Кисела Вода, на околу 40-годишна возраст. Неговиот идентитет е познат до нашата редакција, но од оправдани причини тоа засега нема да го објавиме, несакајќи да наштетиме во истрагата.
Тоа што го дознавме за него е дека станува збор за женет човек и татко. Во групата „Јавна соба“ меѓу првите објавувал разголени фотографии од малолетнички.
Дел од неговите соседи го препознаа по фотографијата на социјалните мрежи. Во текот на вчерашниот ден бил пресретнат од родители на деца кои биле дел од групата, но ситуацијата не ескалирала.
Бидејќи вестите брзо се шират, а ова е мал град, поголем број на луѓе дознале дека токму ова лице стои зад „Јавна соба“. Го пронајдоа на социјалните мрежи и тука почнал хаосот.
Примајќи низа закани бил принуден да ги избрише сите свои профили на социјалните мрежи.
Редакцијата на КУРИР дојде и до неговиот телефонски број, преку апликацијата Вибер. На истиот не е достапен.
Се претставувал под псевдонимот „Вирус“ на кој е додадено и неговото презиме, кое е познато во нашата редакција.
Нашите извори велат дека фотографијата од истиот човек, на групата се појавила кај два телефонски броеви. На „Јавна соба“, овој скопјанец споделувал фотографии и модерирал преку два профили.
Денеска тој нема профил ниту на една социјална мрежа, на телефонот не е достапен, а содржините споделени од кај него по разни групи се избришани.
Се уплашил од фактот дека е откриен и од заканите кои му биле адресирани.
Ново на Сител
-
Малолетник претепан од три лица во Гази Баба
-
Малолетници фрлиле во височина соученик во тетовско училиште
-
Данска испраќа нов пакет воена помош за Украина во вредност од 750 милиони евра
-
Демири: Ако го суспендирав директорот на Токсикологија пред избори, ќе го сфатевте како политичка кампања
-
Јавна расправа на Управниот суд за тужбата од Коалицијата „Вреди“
-
Тошковски - Давкова: Ќе градиме општество во кое основен принцип ќе биде владеење на правото
-
Мицкоски: Од Грција очекував честитки, а не политички мускули, повикувам на добрососедски и пријателски односи
-
РКЕ: Цените на бензините, дизелот и екстра лесното масло за домаќинство остануваат исти, се намалува само цената на мазутот