Фудбал
14. March 2023 - 16:19

КУП: Силекс гостува во Струга „лавовите“ во Тетово

Денеска беа извлечени двојките за полуфиналето на националниот фудбалски куп. Среќата им беше во корист на Струга ТЛ и Шкендија кои ќе играат како домаќини против Силекс и бранителот на трофејот Македонија ЃП.

Во полуфиналето ќе се игра по еден натпревар и тоа на 5-ти април.
Тренерот на Силекс Горазд Михајлов посака трето финале за кратовчани во низа:-„Ждрепката посака да ни се падне да играме со Струга. Се игра еден натпревар во кој се е можно со оглед на тоа што годинава играме квалитетно на гостински терен. Можеби и добро е што играме во Струга. Сепак, тие се фаворити на хартија, а ние ќе покажеме на терен дека сме квалитетни и верувам во успех и трет последователен пласман во финалето“,  изјави Горазд Михајлов по ждрепката.
 
Струга - Силекс 
Шкендија - Македонија ЃП