Кси: Кина нема да дозволи војна и хаос на Корејскиот Полуостров

Кина нема да дозволи војна и хаос на Корејскиот Полуостров, изјави кинескиот претседател Кси Џипинг на отворањето на Петтата средба на министрите за надворешни работи на Конференцијата за заедничко дејствување и изградба на довербата во Азија, што се одржува во Пекинг.

Таквата ситуација не е во интерес на ниту една од државите, наведе Кси.

Тој посочи дека Кина вложува напори за регулирање на ситуацијата во Северна Кореја, согласно со резулуцијата на Советот за безбедност на Обединети нации.

- Го поддржуваме нуклеарното разоружување на Корејскиот Полуосторв, ги поддржуваме мирот и стабилноста во регионот и решавањето на проблемите преку дијалог, наведе Кси.