Крвави пресметки во Ирак, за три дена 27 мртви: Убиени шест демонстранти со огнено оружје

Шест демонстранти се убиени денеска од огнено оружје во Насирија, јужно од Багдад, соопштија локалните власти додавајќи дека тоа е трет ден од протестот во Ирак.

Вкупно 27 лица, 25 демонстранти и двајца полицајци, настрадаа од 1. октомври кога почнаа протестите во Ирак.

Протестите во Багдад  и во другите градови во Ирак се поттикнати од економски причини.

Полицијата денеска пукаше од огнено оружје за да ги растера демонстрантите кои палеа гуми на централниот плоштад во Багдад и покрај полицискиот час кој стапи на сила.

Протестот почна на 1. октомври на плоштадот Тахир во Багдад кога полицијата почна да фрла шок бомби и да пука со гумени куршуми и солзавец за да ги растера демонстрантите.