Свет
23. May 2020 - 8:36

Кризата со коронавирусот ги погоди и медиумите

Отпуштања, присилно преминување на намалено работно време намалување платите во медиумите – сето тоа се случува се почесто во медиумите за време на кризата со коронавирусот, и покрај големиот интерес за читателите до информации. Целиот свет е под притисок и колапс на пазарот за рекламирање.

Први жртви во печатот

Во Франција, многу весници („Паризиен“, „Нувел Република“, „Сантр Вест“) делумно откажаа соработка со вработени, особено во одделенијата каде што вестите се намалија поради пандемијата. Спортските медиуми, како што е весникот „Екип“, исто така, широко ја искористи таа мерка по прекинот на спортските натпревари. Весникот „Пари Норманди“, кој веќе доживеа финансиски тешкотии, е во ликвидација.

Во Велика Британија, „Економист“ објави дека ќе отпушти 90 вработени од своите административни и технички оддели. Гардијан исто така го намали работното време на стотина вработени.

Во Италија, вработените во државната новинска агенција АНСА излегоа на штрајк 48 часа против планот за кој велат дека постигнува баланс на штета на  платите на уредниците.

Во САД, Conde Nast, сопственици на Вог, Ворлд и Њујоркер, соопштија дека отпуштаат стотина вработени од вкупно 6.000. Fortune отпушти 35 лица, или една десетина од тимот и ги намали платите на раководството за 30 проценти.

Од почетокот на кризата, повеќе од 36.000 американски медиумски работници, кои веќе имаат намалување на персоналот во последните години, се погодени од намалувањето на трошоците, се вели во анализата на Њујорк Тајмс.

Во целата земја, околу 40 локални публикации објавија вкупно 373 отпуштања, според ажурираниот список на веб-страницата на Поинтер.

Компанијата која е сопственик на Лос Анџелес Тајмс, главниот весник на градот, која „изгуби повеќе од една третина од своите приходи од рекламирање и очекува да изгуби повеќе од половина во наредните месеци“, објави околу 40 неплатени отсуства без право на стаж, според  внатрешните документи, цитирани од Њујорк Тајмс.

Состојбата во онлајн медиумите не е подобра – според Поинтер, 300 лица се отпуштени во тој сектор во САД.

Вајс Медиа ќе отпушти 55 вработени во САД и уште 100 други во други земји, се вели во соопштение на директорката до вработените.

Покрај санитарната криза, директорката ги обвини и гигантите на т.н. Група ГАФА (Гугл, Амазон, Фејсбук и Епл) дека тие се закана за онлајн медиумите и „не земаат голем дел од питата туку – целата пита“, што доведува до губење на десетици илјади работни места во новинарството.

Веб-страницата за информации и забава Buzzfeed, која најави намалување на платите од 5 до 25 проценти на крајот на март, во зависност од нивната големина, ќе престане да ги покрива вестите од Велика Британија и Австралија.

За некои, кризата е повод да се забрза преминот кон постабилен економски модел врз основа на претплата.

Таков е случајот со американската страница за економски информации Кварц, која ќе отпушти околу 40 проценти од својот персонал, главно во одделите за рекламирање, изјави сопственикот, јапонската компанија Усабеис.

Електронските медиуми, исто така, прибегнаа кон делумно намалување на персоналот. Во САД, NBC Universal ги намали највисоките плати за 20 проценти, според Волстрит џурнал.

Во Франција, Те Еф 1 стави една третина од својот персонал во делумна невработеност од април. BFTV / Радио Монте Карло објави план, кој има за цел да ја запре употребата на времено вработени, хонорарците и консултантски работници.

За радиостаниците, 90 отсто од независните станици воведоа делумно од април намалување на персоналот, според студијата на нивниот синдикат СИРТИ. Таа мерка се очекува да се однесува за една третина од радиостаниците до крајот на август, со цел да се врати рамнотежата.