Кривопаланечките пензионерки се подготвуваат за Пензионерска олимпијада
Пензионерките од Крива Паланка, членки на активот на жени пензионерки, активно се подготвуваат за Државните пензионерски спортски игри кои ќе се одржат во сабота, 2 септември, во Кочани.
Четиричлена екипа од Здружението на пензионери Крива Паланка ќе настапи во дисциплината фрлање на кош, во која се актулени прваци од минатата година.
- Ги интензивиравме подготовките деновиве, но вежбаме активно речиси цело лето. Ќе се натпреваруваме во фрлање на кош, откако бевме најдобри на регионалните игри. Возраста не е пречка, а енергијата и волјата надополнети со спортски дух можат да поместат и планини. Ние, поместувајќи ги границите на својата доба, трета доба и пензионерски дни, сакаме да им послужиме како пример на помладите, да бидат активни постојано, рече Анка Стојановска, претседател на активот на жени пензионерки и капитен на тимот.
Покрај Стојановска, во тимот ќе настапат Шана Георгиевска, Вера Богдановска и Рушка Митовска.
- Годинава се подговтуваме со уште поголем елан и желба, со надеж дека ќе ја одбраниме титулата, дополни Стојановска.
Секретарот на Здружението на пензионери од Крива Паланка, Благоја Николовски посочи дека минатата година по одличниот успех на пензионерките, но и второто место на државно ниво на пикадо-тимот, донесена била одлука за доделување парични награди за спортистите кои освоиле медали до пензионерските олимпијади, како стимул за останатите пензионери до двете општини, околу 3.000 на број.
Олимпијадата за пензионери ќе се одржи во сабота, а домаќин е Здружението на пензионери од Кочани.
Кон крајот на септември кривопаланечките пензионери ќе настапат во седум дисциплини на ревијалните спортски регионални игри, кои ќе се одржат во Пробиштип.
Ново на Сител
-
ДИК: 13 постапки за независни кандидати за градоначалници, во пет општини се собираат потписи за советници
-
Макрон: Нема да поднесам оставка
-
Кремљ: Путин ќе биде главен гостин на парадата во Пекинг
-
Рубио: УСАИД официјално е во фаза на затворање
-
Активни шест пожари, под контрола четири
-
Еден осомничен за телесна повреда при семејно насилство врз бремената сопруга
-
Клековски: На болничко лекување остануваат уште тројца од повредените во пожарот во дискотеката „Пулс“
-
Притворен уште еден осомничен од групата против која се води истрага за злосторничко здружување, даночна измама, даночно затајување и перење пари