Кривопаланечки планинари се искачија на седумте Рилски Езера
Планинарска екипа од Здружението за планинарење и заштита на планината „Калин Камен“ од Крива Паланка се искачи на седумте Рилски Езера на планината Рила во соседна Република Бугарија.
Седумте Рилски езера ги освои четириестчлената планинарска екипа од кривопаланечкото здружение „Калин Камен“, а искачувањето на највисокиот врв на седумте езера на надморска височина од 2.600 метри беше успешно, истакнуваат од здружението.
- Условите за планинарење беа исклучително поволни, со температура на воздухот од 17 степени целзиусови. Нашите планинари кои беа во мешан состав, со најмлад учесник од 10 години, без проблеми ја совладаа рилската патека и уживаа во божествената глетка на езерата Рибно, Долно, Трилистно, Близнак, Око, Бубрег, Ледено Езеро, изјави Драган Величковски, од организацискиот одбор на ЗПЗП „Калин Камен“.
Тој информираше дека годинава се реализирани петнаесетина акции, од кои четири меѓународни, од кои последната била на највисокиот врв на Пирин Планина, Вихрен.
- Особено сум горд што за релативно краток период постоење, околу 20. месеци зад себе имаме бројни интернационални, регионални и локални акции кои ги реализиравме во соработка со наши пријатели, колеги-планинари од здуженијата од соседните општини и држави. Според Годишниот план на здружението следува Меѓународното искачување на Руен кое го организираме како традиционална акција, додаде Величковски.
Здружението за планинарење и заштита на планината „Калин Камен“ брои 60 постојани членови, од кои најмладиот е 10-годишнен активен планинар.
Ново на Сител
-
ДУИ: Последици и незадоволство по укинување на балансерот
-
Анализа: Зошто булингот бележи тренд на зголемување?
-
Тема на денот со Константин Димитров, енергетичар
-
Алкалоид повторно дел од најреномираниот глобален фармацевтски собир CPHI
-
Прилепската болница е оставена со над 3 милиони евра долг
-
Студентите бараат дигитализација во јавните универзитети
-
Наместо оброк, Министеството за одбрана ќе им исплаќа надомест за храна на војниците
-
РЕК Битола не работи – трите блока надвор од мрежа