Кривични за лица од Миравци поради разбојништво
Секторот за внатрешни работи Струмица поднесе кривична пријава против П.Ј (41), П.М (34) и З.Ј (35), тројцата од село Миравци, поради постоење основано сомнение дека сториле кривично дело „разбојништво” над двајца државјани на Мароко.
Според МВР, разбојништвото е извршено на 7-ми овој месец, околу 22 часот, кај местото викано „Вирот“, во атарот на Миравци, близу железничката пруга. Пријавените им се претставиле на Мароканците како полицајци по што физички ги нападнале со дрвени палки, заканувајќи им се со пиштол. Му нанеле телесна повреда над едно од лицата во пределот на ногата, ги легнале на земја и им одзеле околу 600 евра, два мобилни телефона и патничка торба во која имале лични работи, ги оставиле зад себе и се оддалечиле во непознат правец.
По пријавување на настанот, се преземени мерки за идентификација, пронаоѓање и фаќање на сторителите. Пријавените се идентификувани, лишени од слобода и доведени во Полициската станица Гевгелија каде што со нив се обавени службени разговори.
Ново на Сител
-
Брнабиќ: Во следните 48 часа ќе има седница на која Вучевиќ ќе предложи министри за новата влада
-
Две лица се повредени во пожар во фабрика за ракетни погонски системи во близина на Белград
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера