Кривична пријава за жител на село Теарце поради закана кон новинари
Министерството за внатрешни работи го известило Здружението на новинари на Македонија дека е поднесена кривична пријава против А.Е.(36) од село Теарце, тетовско, поради постоење основи на сомнение за сторено кривично дело „загрозување на сигурноста“ против новинари, соопштија од ЗНМ.
Од ЗНМ, по однос на ова известување велат дека одговорот на МВР во врска со овој случај е за поздравување, а следен чекор е итна проактивност од страна на обвинителството и потоа и судот со цел, како што велат, оние кои ги прекршуваат правата на новинарите да бидат соочени со правдата.
На 22 март годинава од страна на Здружението на новинарите на Македонија до СВР Тетово беше поднесено барање за постапување по пријави за закани по безбедност на новинари и медиуми на социјалната мрежа фејсбук. Станува збор за случај во кој од профилот на оваа социјална мрежа именуван како Арбен Есати беше објавена содржина проследена со експлицитни закани кон новинари и медиумски работници од медиумите: Без Цензура, ТВ 21, Газета Експрес, Тетова Сот , Коха ТВ, Коха Њуз, Куманова Сот, ТВ Шења и Лајми Пресс.
– Ваквата објава од лицето Арбен Есати предизвикала чувство на страв и несигурност од загрозување на животот на дел од новинарите од овие медиуми и на членови на нивните семејства, велат од ЗНМ.
По ургенцијата од страна на ЗНМ, а во координација со дел од новинарите кои се засегнати од овој случај било доставено образложено барање до МВР за итно спроведување на истрага.
Ова е прв посериозен случај за повреда на правата на новинарите кој го регистрира ЗНМ во 2021 година. од ЗНМ потсетуваат дека во 2020 година биле забележани вкупно 14 напади и сериозни закани кон новинарите, а само еден случај имал судска разрешница.
Ново на Сител
-
Монструмот откако ја убил малата Данка седнал да руча во летниковецот
-
Пронајдено бебе во контејнер во близина на Загреб
-
173 санкции за брзо возење
-
Силјановска Давкова ќе се сретне со со евроамбасадорот Гир и италијанскиот амбасадор Силвестри
-
ЦУК: Забрана за движење кај стрелиштето „Леково“, пожари во Кавадарци и Велес
-
Путин во посета на Кина на 16 и 17 мај
-
Синдикатот на просветни работници во Србија в четврток ја прекинува работата во сите училиштата поради загрозена безбедност
-
Герапетритис: Бараме усогласување со Договорот од Преспа, не е прашање на самоопределување, туку почитување на договореното