Kремљ смета дека убиството на Татарски е тероризам, Пригожин вели дека извршителите не се поврзани со Киев
Кремљ денеска соопшти дека убиството на истакнатиот воен блогер Владлен Татарски во Санкт Петербург е „терористички акт“. Претседателството се повика на рускиот национален антитерористички комитет, според кој постојат докази кои ја поврзуваат Украина со бомбашкиот напад.
– Тоа е терористички акт, изјави портпаролот на Кремљ, Дмитриј Песков и додаде дека „активната фаза на истрагата веќе е во тек“.
– Гледаме доста енергични акции за приведување на осомничените. Да бидеме трпеливи и да ги чекаме следните пораки од нашите специјални служби кои работат на ова прашање, рече Песков.
Руското Министерство за внатрешни работи денеска соопшти дека е приведена Дарија Трепова, за која властите претходно соопштија дека е осомничена за нападот.
Шефот на руската приватна воена компанија „Вагнер“ Евгениј Пригожин претходно изјави дека според него зад убиството на Татарски во Санкт Петербург стои група радикали, а не Киев.
– Не би го обвинувал режимот во Киев за овие дејствија. Мислам дека дејствува радикална група која речиси и да нема никаква врска со владата во Киев, додаде тој.
Ново на Сител
-
САД го истражуваат протекувањето на строго тајни документи со детали за израелските планови за напад на Иран
-
Рама: Обединувањето со Европа е пат со две ленти, 100 отсто сум убеден дека во оваа деценија ќе станеме дел од ЕУ
-
Мицкоски ќе учествува на 20. Европски самит во Салцбург
-
Координатор на ОН за Блискиот Исток: Кошмарот во Газа се засилува
-
Маск ќе подарува по милион долари дневно до изборите на некој што ќе ја потпише неговата петиција
-
Околу 100 ракети истрелани од Либан кон северен Израел
-
Израел го нападна штабот на разузнавањето на Хезболах во Бејрут
-
Маж од скопско ја нападнал својата 19-годишна ќерка