Кремљ: Четири украински региони се дел од Русија и ќе ги ослободиме

Руските сили сакаат да заземат делови од источна и јужна Украина кои Москва ги прогласи за руски, соопшти денеска Кремљ.

Портпаролот на рускиот претседател Владимир Путин, Дмитриј Песков, изјави дека Русија „мора да ослободи“ делови од Доњецк, Луганск, Херсон и Запорожје – четири региони кои рускиот претседател Владимир Путин во септември ги прогласи за дел од Руската Федерација.

Путин објави анексија на четири украински региони по одржувањето на т.н референдум, чија легитимност не ја признава речиси ниту една земја во светот. Но, ниту еден од четирите региони сè уште не е целосно под контрола на руските сили.