Креативни активности за најмладите од неготинската библиотека

Изненадувања за најмладите секоја сабота организира Локалната градска библиотека „Страшо Пинџур“ од Неготино.

Директорката на библиотеката Катерина Данаилова информира дека секоја сабота во текот на јули е време за приказни и креативни активности. Најмладиот член овде има само три години. 

Таа истакна дека во моментов во библиотеката се работи на привлекување на најмалите дечиња со различни активности и настани. 

- Со креативен пристап се осознава книгата како неисцрпен извор на знаење, фантазија и поттик, нагласи директорката Данаилова.

Неготинската библиотека постои над пет децении. Со почеток на летниот распуст, стартуваше и натпреварот за најчитател за ова лето. Тие што ќе прочитаат најмногу, ќе бидат прогласени за најчитатели и ќе бидат наградени.