Ковачевски: Во ребалансот на Буџетот за 2021 има повеќе пари за капитални проекти
Ребалансот на Буџетот за 2021 година е важен чекот на патот на враќање на претходните стапки на економски раст, на поголема поддршка за економијата и граѓаните и целосно надминување на последиците од коронакризата.
Повеќе пари за капитални проекти, повеќе пари за здравството, за образованието, за земјоделството, повеќе пари за нови мерки, повеќе пари за нови вработувања се клучните цели на овој ребаланс.
Со предложениот ребаланс на Буџетот се издвојуваат 2,7 милијарди евра за инвестиции во човечки капитал, односно во образование, здравство и социјална заштита, што во однос на периодот од пред три години е повеќе за над половина милијарда евра.
Ги зголемуваме и средствата за активни мерки за вработување, од 1,3 милијарди денари на историски највисоки досега 1,66 милијарди денари или 27 милиони евра. Ова треба да резултира со дополнителен пад на стапката на невработеност која сега е на 16 отсто.
Споредено по области, со овој ребаланс, за земјоделството се обезбедуваат три милијарди денари, Заштитата на животната средина се зајакнува преку нова програма за зелен развој со 685 милиони денари, додека за здравството се обезбедуваат дополнителни над шест милијарди денари.
За областа економски работи, каде се вклучени мерките за помош,, се обезбедуваат дополнителни 6,8 милијарди денари.
Сето ова се инвестиции кои позитивно ќе влијаат ерз економскиот раст, но и врз животниот стандард на граѓаните и затоа, носењето на овој ребаланс е исклучително важен за нашата економија и за нашите граѓани.
Ги повикувам сите пратеници од сите пратенички групи, низ конструктивна, аргументтирана дебата најпрво во надлежната Комисија а потоа и во собраниска седница, да го донесат овој Ребаланс на Буџетот за 2021 година.
Како одговорна, сериозна и државотворна партија продолжуваме да градиме мерки и политики што значат поголема поддршка за стопанството, инвестиции во капитални проекти, спас на работните места и повисок животен стандард за сите граѓани.
Димитар Ковачевски, член на Извршен одбор на СДСМ
Ново на Сител
-
Во прекин сообраќајот на патот Радовиш-Штип поради сообраќајка
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата
-
НАТО ги осуди кибер нападите насочени против демократските институции, безбедноста и слободното општество