Ковачевски: Нема криза со горивата, трговците да не ограничуваат количини за продажба
„Во Република Северна Македонија нема никаква криза со горива, со бензин, дизел и со други горива затоа што ние имаме непречено снабдување со нафтени деривати кое доминантно се одвива преку Грција“, истакна претседателот на Владата, Димитар Ковачевски во емисијата „Утрински брифинг“ на Слободна ТВ.
„Во однос на она што се случуваше вчера сакам да упатам апел до граѓаните да не подлегнуваат на никакви шпекулации, да не подлегнуваат на паника со оглед на тоа дека во државата има доволно количини на нафта и нафтени деривати. Упатувам апел до трговците со нафтени деривати да не ги ограничуваат количините кои ги продаваат на бензинските пумпи. Дел од нив тоа го имаат направено вчера за да ги сочуваат своите количини кои ги имаат набавено од шпекулативни причини. Тоа е класично воено профитерство“, нагласи премиерот Ковачевски.
Ковачевски потенцираше дека нема потреба од никаква паника затоа што тоа е најлошото нешто што може да се случува во услови на војна која што се случува во Украина, и уште еднаш повтори дека нафтени деривати имаме во сосема доволни количини и нема никакво прекинување во снабдувањето со нафта и нафтени деривати.
Премиерот потенцираше дека пазарната инспекција и Управата за јавни приходи се излезени на терен за да ја увидат фактичката состојба и да ги заштитат интересите на граѓаните.
Ново на Сител
-
Во Тунис денеска се избира претседател, со еден претседателски кандидат во затвор
-
Кавадарчанка пријавила напад врз малолетниот син во угостителски објект со стаклени и други предмети
-
Во израелски напад врз џамија и училиште во Газа загинаа 24 лица, а 93 се ранети
-
Петнаесетгодишно момче избодено 50 пати со нож и живо запалено во Марсеј
-
Во прекин сообраќајот на патот Ресен – Охрид, кај планинскиот премин Буково
-
Српскиот премир Милош Вучевиќ утре во посета на Скопје
-
Честитка од Свештената бигорска обител до Архиепископот г.г. Стефан, по повод 25-годишнината од востоличувањето
-
Три млади лица загинаа во сообраќајна несреќа на патот Гњилане - Приштина