Ковачевски: Не чека најтешката зима по Втората светска војна
Не чека најтешката зима по Втората светска војна. Ние во моментов правиме сé за да обезбедиме непречено снабдување со електрична енергија и за да ги обезбедиме сите суровини за производство на електрична енергија. Тоа го прават и сите држави од соседството што значи дека едно такво масовно купување суровини за производство на електрична енергија сигурно ќе влијае на раст на цените, рече денеска премиерот Димитар Ковачевски, одговорајќи на новинарско прашање по посетата на ПЗУ НИКОБ Медикал и НИКОБ Лаб во рамки на Групацијата НИКОБ.
Според премиерот, каква ќе биде зимата ќе зависи многу и од развојот на настаните во Украина.
– Ако продолжат воените дејства, тогаш веројатно негативните ефекти од таа војна ќе бидат уште посилни и за Европа и за нашиот регион во целост. Ова ќе биде најтешка зима за нашата генерација, меѓутоа и за генерациите постари од нас, дополни Ковачевски.
Тој повтори дека со ребалансот се обезбедуваат средства кои треба да бидат бафер за дополнителни мерки за заштита на најранливите категории граѓани.
– Веќе информираше ЕСМ дека е во финализација на кредит од Европската банка во износ од 100 милиони евра под многу поволни услови со каматна стапка до еден процент, преку кој ќе се обезбеди непречено функционирање на ЕСМ. Кога зборуваме за финансискиот резултат на ЕСМ тогаш јас во еден јавен настап кажав дека доколку не се донесеше одлука на Владата за да се субвенционира цената на електричната енергија што ја плаќаат граѓаните, а ние во моментов субвенционираме 80 проценти од цената на електрична енергија што ја плаќаат граѓаните и малите потрошувачи, тогаш ЕСМ немаше да има загуба и веројатно доколку продаваше по пазарни цени коишто се огромни и којшто доколку продаваше по пазарни цени ќе предизвикаа ценовен шок за граѓаните коишто цени веројатно и немаше да можат да ги покријат, тогаш ЕСМ веројатно годината ќе ја завршеше со 200 милиони профит, истакна Ковачевски.
Ново на Сител
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.
-
Г-7 одлучни да ја засилат ПВО на Украина
-
Стано: Косово мора да ја формира Заедницата на српски општини, во спротивно ќе има последици
-
Руси поставија светски рекорд со скок со падобран | ВИДЕО
-
В недела евакуација на жителите на Ниш поради неутрализирање бомба останата од бомбардирањето на НАТО
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина