Костадинов го посети Центарот за поддршка на образованието на учениците со попреченост во Струмица
Со новиот Закон за основно образование им се овозможува на сите ученици со попреченост да следат настава во редовните училишта, а со тоа посебните паралелки за образование на ученици со попреченост се трансформираа во Центар за поддршка на образованието на учениците со попреченост при ООУ „Сандо Масев“, истакна градоначалникот на Струмица, Костадин Костадинов при денешната посета.
Тој подвлече дека Општина Струмица е втемелувач на образованието за ученици со аутизам во Република Северна Македонија кога пред 14 години започнал образовниот процес на ученици со аутизам во посебните паралелки на ООУ „Сандо Масев“.
-Денеска одржав работна средба со раководството на училиштето и вработените во Центарот на која разговаравме за промените кои што се направени, новите улоги и понатамошно зголемување на компентенциите и ресурсите за работа на Центарот за поддршка, којшто ќе има можност да ги опфаќа сите деца со попреченост, додаде Костадинов.
Во чест на взаемната соработка и цел-сите ученици со попреченост да бидат вклучени во образовниот процес и да добијат соодветно образование, беа засадени десет дрвца со цел на разубавувањето и заштитата на животната средина.
Инаку, во редовната настава во основните училишта во Oпштина Струмица се вклучени околу 50 ученици со попреченост.
Ново на Сител
-
Герапетритис: Бараме усогласување со Договорот од Преспа, не е прашање на самоопределување, туку почитување на договореното
-
Неексплодирана рачна бомба пронајдена на улица во Демир Капија
-
Четиринаесет жртви во бомбардирањето на станбена зграда во близина на бегалскиот камп Нусејрат
-
Казнет и протеран од Косово брачен пар од Русија кој беше уапсен поради нелегален влез од Србија
-
Курти со опозицискиот лидер Красниќи разговарал за одржување предвремени избори во Косово
-
Бајден го потпиша законот за забрана за увоз на збогатен ураниум од Русија
-
Состојба на патиштата
-
Телефонски разговор Ципрас-Заев: Ја истакнале важноста на почитувањето на Договорот од Преспа