Косовскиот кандидат за премиер Албин Курти изјави дека ќе работи за обединување на Косово и Албанија
Основачот на крајнодесничарската косовско движење Самоопределување Албин Курти, кој е и кандидат за премиер, изјави дека обединувањето на Косово и Албанија ќе остане една од неговите главни цели, пренесе Танјуг.
Во интервју за албанскиот портал „Шкиптарија“ Курти истакна дека Косово ќе им даде на граѓаните право да одлучуваат на референдум за сите важни прашања, вклучувајќи и обединување со Албанија.
Тој посочи дека изборите на 11 јуни ја покажале желбата на косовските граѓани за промени, потсетувајќи дека движењето Самоопределување го удвои бројот на гласовите, како и бројот на пратениците и стана втората сила во парламентот.
Курти рече дека Самоопределување предложило партнерство со коалицијата предводена од Демократската унија на Косово и Алијансата за ново Косово. Тој, сепак, истакна дека ќе се бори за обединување со Албанија, без разлика дали ќе биде премиер или не.
Ново на Сител
-
СИРИЗА ќе ги поднесе во грчкиот Парламент трите меморандуми со Северна Македонија
-
Пендаровски се откажа од државна пензија
-
До четврток облачно и дождливо, в петок пораст на температурата
-
Приватните специјализанти очекуваат новиот министер веднаш по назначувањето да ги повика на разговори
-
Тешка сообраќајка меѓу две возила, две лица повредени
-
Прегазена малолетничка во Штип
-
Куманово: Приведен 38 годишник кој допирал три малолетнички по телото
-
7-месечно бебе од Вевчани починало откако паднало на глава од креветче