Косово: Покрената истрага за смртта на шестмина заболени од Ковид-19
Косовската полиција информира денеска дека е започната истрага за смртта на шест лица заболени од Ковид-19, кои починаа во раните утрински часови во неделата во Инфективната клиника при Клиничкиот и универзитетски центар на Косово, јави дописникот на МИА од Приштина.
Во соопштението на полицијата се наведува дека сите починати се косовски државјани и дека телата се предадени на обдукција во Институтот за судска медицина.
Со оглед дека сите шестмина починаа вчера во мошне краток период, во медиумите и во јавноста се појавија шпекулации дека причина за смртта е можен дефект на апартите за оксигенотерапија.
Министерот за здравство на Косово, Арменд Земај по тој повод порача да не се создава конфузија, затоа што лекарите одговорно си ја вршат својата работа.
Тој побара со случајот да се занимаваат експертите, а не истиот да се користи за политички цели.
– Претходните извештаи укажуваат дека лекарите си ја вршат работата чесно, а за техничките прашања да им оставиме да се изјаснат експертите. Секое сомневање треба да се разјасни и да не создаваме конфузија, со оглед дека порастот на бројката на заразени и лошиот биланс на починати за жал се користии за политичка борба, изјави Земај, оценувајќи дека ситуацијата не се развива поразлично одошто во минатите недели.
Минатиот викенд во Косово починаа вкупно 14 заболени од Ковид-19, со што бројот на жртви на новиот коронавирус се искачи на 74. Активни носители на вирусот, според последниот официјален извештај, се 1.532 лица.
Поради зголемениот број на заразени и починати последниве денови, косовските власти вчера донесоа нови мерки, меѓу кои враќање на забраната за движење од 21 до 5 часот во Приштина, Урошевац, Призрен и Вучитрн, како и затворање на угостителските објекти, кои ќе можат да работат само со тејкавеј.
Ново на Сител
-
Истрага од Комисија за судир на интереси против хрватскиот претседател бидејќи ја однел сопругата на ЕУРО 2024 во Германија
-
Времето лечи се | Катерина Ангеловска | Личен Развој | Sitel Podcast 047
-
На „Табановце“ се чека околу 15 минути за влез во државата
-
Нема промена на Рамката
-
Донесени дополнувањата на Законот за енергетика со кои треба да се спречи поскапување на струјата
-
Советници на Трамп му предале план за запирање на американската воена помош на Киев доколку не разговараат за мир со Москва
-
Предлог законот за дополнување на Законот за енергетика, по скратена постапка, проследен на натамошна постапка во Собранието
-
ЕУ ја продолжи заштитата на украинските бегалци до 2026 година