Косово доби нова Влада
Косовскиот Парламент со 62 гласа „за“ и еден воздржан вечерва ја избра новата Влада, која ќе ја предводи лидерот на Алијасата за иднината на Косово, Рамуш Харадинај.
Владата ја поддржаа партијата на Харадинај, Демократската партија на Кадри Весели, Иницијативата за Косово на Фатмир Лимај, Алијансата за Ново Косово на Беџет Пацоли, пратеничката група на Србите и онаа на немнозинските етнички заедници.
Пред гласањето собраниската сала ја напуштија пратениците на движењето „Самоопределување“ и Демократскиот сојуз.
Во кабинетот на премиерот Рамуш Харадинај, прв потпретседател на Владата и шеф на дипломатијата е Беџет Пацоли, потпретседатели се Енвер Хоџај, Фатмир Лимај, Далибор Јевтиќ, кој ќе биде и министер за враќање на раселените и за заедниците и Дардан Гаши, кој ќе биде задолжен за дијаспората и за привлекување инвестиции. Клучните ресори ќе ги раководат: Рустем Бериша за безбедносите сили на Косово, прв финансиер е Бедри Хамза, министерка за евроинтеграции ќе биде Дурата Хоџа, за правда Абелард Тахири, а министер за внатрешни работи Фљамур Шефај. Од „Српска листа“ со Министертвото за локална самоуправа ќе раководи Иван Теодосијевиќ министер за земјоделство ќе биде Ненад Рикало, додека за јавна администрација Махир Јагџилар (од немнозинските заедници).
Во своето обраќање Харадинај ги презентираше приоритетите на Владата, кои опфаќаат зајакнување на редот и законот, членство во НАТО, евроинтеграцијата и дијалогот со Србија.
- Косово денеска е во опасност и од нови и од стари ризици, затоа треба прво да се гарантира внатрешната безбедност, зајакнување на редот и правната држава. Косово ќе се чувствува безбедно единствено со зачленувањето во НАТО и затоа ќе работиме да го однесеме во Алијасата. Зачленувањето во меѓународните организации е отежнато, но ќе работиме и за тоа. Ќе работиме со цел во рекордно време да почне имплементацијата на Спогодбата за асоциација и стабилизација и ветувам дека ќе добиеме статус на земја кандидат за членство во ЕУ. Ќе го зајакнеме пријателството со САД, а што се однесува до регионот дијалогот со Србија нема алтернатива, посочи меѓудругото Харадинај.
Тој вети дека ќе биде премиер на сите, вклучувајќи ги и малцинствата на кои им се обрати на српски јазик.
За време на обраќањето на Харадинај, како и дискусиите на опозициските пратеници во собраниската сала, не беа пратениците од „Српска листа“ поради што беше дадена пауза за да пристигнат од Белград во собраниската сала.
Кога тие пристигнаа Харадинај уште еднаш го причита предлогот за состав на новата влада, по што, иако опозицијата беше против, веднаш истиот беше ставен на гласање.
Ново на Сител
-
Македонските граѓани кои планираат да патуваат од аеродромот во Тирана, на 15 и 16 мај треба да пристигнат 3 часа пред летот
-
Македонија ги дозна можните ривали за квалификациите за СП 2027
-
Мерц: ЕУ ќе воведе построги санкции кон Русија доколку неделава во Истанбул нема напредок во преговорите
-
Рјабков: Русија и Украина би можеле во Истанбул да разговараат за одржлив мир
-
Сакајте се така ќе ги сакате и другите | Даниел Трбогазов | Личен развој |Sitel Podcast 094
-
Зеленски: Путин се плаши од директни преговори со мене
-
Кривична пријава против измамник од Скопје, измамил две лица за над 100.000 евра
-
Владата ја усвои информацијата за набавка на инсулин и друга медицинска терапија за дијабетичарите