Кошаркарките на Бадел 1862 ја освоија титулата во кадетска конкуренција

 

 

Со убедливи 38 поени разлика младите кошаркарки на Бадел 1862 ги победија врсничките од Шкупи со 98-60 и ја освоија шампонската титулата во домашното првенство во кадетска категорија, односно во годишна возраст до 16 години. 

 

Играта беше изедначена, но само во воведните минути од натпреварот. Веќе кон средината на првиот период започнаа кошаркарките на Бадел 1862 да таложат предност која без проблеми ја задржаа до крајот.

 

Бронзениот медал од на „Фајнал-фор“ турнирот кој се одржа во Скопје, замина во рацете на кошаркарките на Баскет Кам кои претходно ја совладаа Струга 2009. 

 

За најкорисна кошаркарка на (МВП) на завршниот турнир беше избрана Матеа Атанасовска од шампионскиот тим на Бадел 1862. 

 

Со тоа практично беше затворена и натпреварувачката сезона 2016/2017 во младинските кошаркарски првенства на Македонија.