Корчок и Пелегрини во вториот круг од претседателските избори во Словачка
– На претседателските избори во Словачка ќе има втор круг гласање откако врз основа на 99,93 отсто од преброените гласови поранешниот министер за надворешни работи, Иван Корчок (59), освои 42,48 отсто од гласовите, а поранешниот премиер Петер Пелегрини (48), 37,05 отсто од гласовите, јави ДПА.
Пелегрини, поранешен член на владејачката партија на Фицо- СМЕР, а сега лидер на нејзиниот помал коалициски партнер ХЛАС (Гласот на Социјалдемократијата), се сметаше за фаворит да ја замени сегашната претседателка Зузана Чапутова.
На трето место е поранешниот претседател на Уставниот суд на Словачка, Штефан Харабин (66), кој освои 11,74 отсто од гласовите, потоа Кристијан Форо (2,91 отсто), Игор Матовиќ (2,18 отсто), Јан Кубиш (2,03 отсто ) , Патрик Дубовски (0,71 отсто), Маријан Котлеба (0,56 отсто) и Милан Нахлик (0,13 отсто), објави Словачкиот завод за статистика, пренесува агенцијата ТАСР.
Околу 4,4 милиони Словаци вчера беа повикани да изберат нов шеф на државата, иако се предвидуваше втор круг пред изборите во длабоко поделената земја, пренесе ДПА.
Конечниот резултат од гласањето се очекува да биде објавен денеска попладне од Државната комисија за избор и надзор на финансирањето на политичките партии. Меѓу деветте кандидати немаше ниту една жена.
Актуелната претседателка, Зузана Чапутова, не се кандидираше за втор петгодишен мандат и покрај нејзината континуирана популарност.
Според анкетите пред изборите, социјалдемократот Пелегрини, кој е дел од владината коалиција, и либералниот поранешен министер за надворешни работи, Корчок, беа двата очигледни фаворити.
Корчок ветува дека ќе биде противтежа на левичарската националистичка влада на премиерот Роберт Фицо.
Според официјалните податоци, излезноста на претседателските избори во Словачка достигна 51,89 отсто.
Ново на Сител
-
На ГП Табановце за влез и излез од државата се чека по околу половина час
-
Зеќирија Ибрахими е нов претседател на Алтернатива избран на вонредниот конгрес во Куманово
-
Кратово блесна во полн сјај на првата фестивалска вечер од ЗЛАТНИ ДЕНОВИ КРАТОВО 2024 | ФОТО
-
МВР го барала да го уапси, а тој пробал да лета преку аеродромот во Скопје
-
Повреден германски параглајдерист - Летал над Крушево
-
ДКСК: Го следиме именувањето на в.д. директори во државните институции, ќе реагираме ако има неправилности
-
Даути избрана за генерален, а Јајага за организациски секретар на АА
-
Следува период на многу топло време со температури до 40 степени