Конститутивна седница на новоизбраниот сириски Парламент
Сирискиот Парламент ја одржа денеска првaта седница по изборите во април, кои се одржаа само на териториите, под контрола на Владаtа, јави ДПА.
Парламентот е составен од пратеници лојални на режимот на Башар ал Асад и е бојкотиран од опозициските сили.
Пратениците еден по еден положија заклетва како претставници на народот во зградата на Парламентот во центарот на Дамаск. Потоа гласаа за претседател на Парламентот и прв пат во неговата историја на функцијата беше избрана жена, пратеничката Хадија Халаф Абас.
Владејачката партија БААС има мнозинство во Парламентот од 1970 година, кога таткото на сегашниот претседател Башар ал Асад, Хафез Асад ја презеде власта со воен удар.
Сириската опозиција и нејзините надворешни поддржувачи го означија како провокација одржувањето на изборите во април.
Во меѓувреме ТАСС јави дека во терористички напад во Дамаск бил убиен првиот човек на обезбедувањето на првата дама на Сирија, Асма Асад.
Алја Махлоф загина во саботата, откако неговото возило било кренато во воздух од бомба, која била поставена во него. ТАСС јави дека Маклоф бил претставник на еден од највлијателните и најбогатите алавитски кланови во Сирија, кон кои припаѓа и семејството на претседателот.
Ново на Сител
-
МВР: Претреси на три локации во село Гајре, едно лице задржано на информативен разговор за убистото во Тетово
-
Борел: Орбан ја претставува само Унгарија, а не и ЕУ, на самитот на туркофонските земји во Азербејџан
-
Вулканот Етна исфрли лава и облак од пепел и чад висок околу пет километри
-
Демонстрации во Барселона против прекумерниот туризам
-
Жестоки борби во источна Украина, Русите напаѓаат се повеќе локации во Доњецк
-
Претседателот на Владата Мицкоски ќе ја предводи македонската делегација на Самитот на НАТО
-
ЦУК: Сите 18 пожари на отворено се изгаснати и од нив активни утрово нема
-
Санкционирани 134 возачи во Скопје