Конкурс за избор на најдобра фотографија со мотиви од општина Илинден
Општина Илинден денеска распиша конкурс за избор на најдобра фотографија со мотиви од оваа локална самоуправа.
Конкурсот трае до 6 јуни годинава, а по завршувањето на рокот за пријавување, ќе се формира специјална жири-комисија која ќе ги разгледа сите пристигнати фотографии и ќе ги одбере 30 најдобри. Овие фотографии потоа ќе бидат поставени на официјалната фејсбук фан-страница на општина Илинден, каде ќе може да се гласа. Гласањето ќе трае 30 дена.
На конкурсот може да учествуваат сите заинтересирани граѓани. Секој учесник може да конкурира со максимум пет фотографии, а ќе се оценуваат фотографии снимени само на територија на општина Илинден, како панорамски фотографии, знаменитости, економски зони, инфраструктура, јавни објекти, манифестации, спортски и културни настани...
На конкурсот ќе бидат доделени три награди за најдобра фотографија (прво, второ и трето место) според оценките на стручната жири комисија и три награди (прво, второ и трето место) според гласањето на официјалниот фејсбук профил на општина Илинден.
За дополнителни информации заинтересираните можат да се јават на телефонскиот број (02) 2571-703, секој работен ден од 8 до 16 часот.
Испратените фотографии ќе бидат искористени за промоција на општина Илинден.
Ново на Сител
-
Мицкоски: Очекувам ДУИ да оди во опозиција, немаме ни елементарна доверба за соработка со нив
-
Ново бебе алпака во скопската Зоолошка градина
-
Вучиќ: Една третина од новата српска влада ќе биде составена од нови луѓе
-
Осигурителните компании не ја почитуваат препораката на Финансии, полисите и денеска по повисоки цени
-
Следува период на променливо време со повремени локални врнежи од дожд
-
РКЕ: Само 2,75 отсто од струјата е од увоз, на праг сме до енергетски независна држава
-
Мајката на починатата студентка од Кавадарци во Штип лани измасакрирала и запалила човек
-
Судир на два автомобили и камион со приколка на автопатот „Пријателство“, тешко повредено едно лице