Конечно победа за Сосиедад

Реал Сосиедад, во Сан Себастијан, славеше над Спортинг Хихон 3:1 во последниот натпревар од 31.коло во Примера. Реал Сосиедад ја прекина серијата од четири натпревари без победа и го задржа чекорот со Виљареал во борбата за пласман во Лига Европа.

 

Реал Сосиедад на „Аноета“ прашањето околу победникот го реши во првите половина час кога најпрвин Вилијам Жозе, а потоа и Хуанми го совладаа голманот на Спортинг.

 

Во вториот дел, во 77.минута Берчиче ја потврди победата на Реал Сосиедат, а три минути пред крајот Елдерсон го постигна почесниот гол за Спортинг.

 

Реал Сосиедад ја задржа шестата позиција на табелата со 52 бода, два помалку од петтопласираниот Виљареал. Спортинг остана во опасната зона со 22 бода, пет помалку од Леганес, кој е во безбедната зона.