Концерт на електроакустична музика со дела на композиторката Ана Пандевска
Во Музејот на град Скопје вечер од 20 часот ќе се одржи концерт на електроакустична музика со дела од младата и афирмирана композиторка Ана Пандевска.
На програмата се дела за пијано, гитара, хорна и четирирачно пијано и трака, меѓу кои „Landscape Atmosphere“, „Life in a box“, „Echo Illusions”, „The space time traveler“…
На концертот ќе настапат пијанистите Дуња Иванова и Ива Виденовиќ, гитаристот Ади Имери и Никола Велковски на хорна.
Ана Пандевска дипломирала на Факултетот за музичка уметност во Скопје, на одделот за композиција. Нејзин интерес и инспирација во дел од нејзините композиции се вокалната музика, фолклорот и џезот.
Авторка е на солистички, камерни, хорски и симфониски композиции. Во последните неколку години истражува во областа на електроакустичната музика. Како редовен член на СОКОМ, Пандевска е добитник на три награди за класична композиција.
Нејзините дела редовно се изведуваат на фестивалот Денови на македонска музика, како и на концерти во САД, Србија, Словенија, Босна и Херцеговина и во Македонија.
Ново на Сител
-
ЦУК: Осум активни пожари, се уште активен пожарот во резерватот Јасен
-
Kуче врзано влечено со автомобил па фрлено во речно корито во Крива Паланка, го спасиле пожарникари | ФОТО
-
Уште еден случај на затруено дете во Куманово
-
Евакуирани 150 лица од лондонска болница поради хемиски инцидент
-
Унгарија бесна на Украина поради нападот врз рускиот гасовод
-
Групна тепачка во угостителски објект во Куманово, приведени пет лица
-
„Ватсап“ вели дека Русија се обидува да ја блокира апликацијата
-
Лондон и Берлин подготвуваат директна железничка врска преку Ламанш