Компанијата на зетот на Трамп нудела американски визи на кинески инвеститори
Компанијата на семејството Кушнер на една инвестициска конференција во Кина им нудела влезни визи во САД на потенцијалните инвеститори, напоменувајќи дека во нејзин претседател до пред четири месеци бил сегашниот советник во Белата куќа и зет на претседателот Доналд Трамп,, Џаред Кушнер, откриваат американските медиуми.
Во 2008 година Џаред Кушнер бил именуван за прв човек во семејната компанија, која е вклучена во проекти во градежниот бизнис, но тој во јануари годинава ја напушти позицијата.
Неговата сестра Никола Кушнер-Мејер, која сега раководи со целиот бизнис, и се извини на Белата куќа што преку братот била вовлечена во рекламата и во работата на кинеската инвестициска конференција.
- Немавме намера преку споменувањето на советникот Кушнер, да обезбедиме потик и стимулација за потенцијалните инвеститори, посочува во извинувањето до Белата куќа сестрата на советникот Кушнер.
Медиумите, меѓутоа, откриваат дека проектот за изградба на голем станбено-деловен комплекс во Њу Џерси, кој им се нудел на инвестититорите во Кина се потпира врз новата програма за визи, позната како ЕВ-5, донесена од актуелната администрација.
Програмата е замислена да привлече странски инвеститори во САД, па овомзожува мигрантска виза и потенцијално добивање „зелена карта“ за престој во земјата, за секој што ќе инвестира најмалку 500 илјади долари.
Според изјавата на претставник на компанијата на Кушнер, само 15 отсто од предвидените средства од една милијарда долари, колку што се проценува дека чини градежниот проект, ќе бидат покриени преку инвестори кои ќе се користат со визниот режим кој практично значи „купување државјанство на САД“.
Визниот режим ЕВ-5 е дел од визната реформа на Администрацијата на Трамп, но таа е критикувана во Конгресот затоа што нуди продажба на американското државјанство само за многу богатите од разни страни во светот.
Ново на Сител
-
Рождество на Пресвета Богородица (Мала Богородица)
-
Сончево со мала до умерена облачност, попладне во западните делови услови за локален дожд
-
Бајден изјави дека САД работат на тоа да им се овозможи на раселените жители од северен Израел да се вратат дома
-
Шефот на ИДФ вети дека војската ќе стигне до секој што им се заканува на израелските цивили
-
Николоски на средби со министри за транспорт на ЕУ ја презентираше инвестициската програма на Владата
-
Тошковски: Се надевам дека ќе нема настани кои ќе подгреваат тензии, ако има соодветно ќе одговориме
-
Тошковски: Фокусирани сме на функционален систем за следење на сообраќајот со камери
-
Жена физички нападнала вработен во општина Кочани