„Коктелот антитела“ на „Ели Лили“ го намалува бројот на смртни случаи од Ковид-19 до 87 отсто
Американската фармацевтска компанија „Ели Лили“ вчера повторно објави позитивни резултати од третманот за Ковид-19. Се работи за мешавина од две синтетички антитела којашто го намалува бројот згрижувања в болница, како и смртните случаи за 87 отсто, според истражувањата на компанијата.
Кон крајот на јануари, компанијата објави дека комбинацијата на двете антитела бамланивимаб и етесевимаб, ја намалува опасноста од хоспитализација и смрт за 70 насто. Дозите беа 2,8 грама за секое антитело. Овојпат дозата на бамланивимаб е 700 милиграми, а на етесевимаб – 1,4 грама.
Клиничкото испитување опфатило 769 лица на над 12-годишна возраст, кај кои имало позитивен тест за Ковид-19 и кои имале фактори на ризик што ги прават повеќе склони кон болеста. До 511 од нив добиле лек, а 258 добиле плацебо-лек.
Меѓу оние третирани со комбинација на антитела, четворица биле згрижени в болница и никој не починал. Во плацебо групата, 11 биле згрижени, а четворица починале од коронавирусот.
Лекот беше итно одобрен во САД на почетокот на февруари (во доза од 700 мг бамланивимаб и 1,4 гр етесевимаб), за лица изложени на ризик, или поради возраста или други болести. Овие синтетички антитела коишто се примаат интравенски, се лабораториска верзија на одбранбените клетки на организмот.
Имунолошкиот систем произведува антитела во телото кога ќе се сретне со вирусот, со цел да се ослободи од него. Па така, зголемувањето на нивниот број кај поризични лица им помага на нивниот имунолошки систем побрзо да го победи вирусот.
Ново на Сител
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп