Кога Судскиот совет ќе изврши контрола врз работата на Апелација?

Членовите на Судскиот совет кои добија задача да ја испитаат работата на судиите од Апелација, денеска ќе одлучат кога ќе го посетат судот. Биле на долга седница, па дури по незјиното завршување, Радевска, Чачарова и Стевкова ќе договарат кога да ги посетат петтемина судии кои побараа ново судење за предметот Таргет-Тврдина.

Судскиот совет, вчера на итна седница одлучи тричлената работна група во најкус можен рок да го провери постапувањето на апелационите судии.

Од второстепениот суд, за Сител велат дека немаат најава кога судскиот совет ќе ја реализира работната посета, но велат дека таа може да биде и ненајавена.

Појаснуваат дека со увидот ќе се проверува АКМИС системот и активностите на судиите кои по 14 месеци откако го добиле предметот, одлучија дека пресудата за масовното прислушување е нејасна и ќе му ја вратат на Кривичниот суд.

Но, и по две недели од таквата одлука, предметот не е пристигнат во Кривичен кој е само 100тина метри оддалечен од Апелациониот суд.