Коѕиас во Бејрут ќе се сретне со Касулидес и Митов

Грчкиот министер за надворешни работи, Никос Коѕиас денеска во Бејрут ќе се сретне со кипарскиот и бугарскиот колега Јоанис Касулидес и Даниел Митов.

Посетата на тројцата министри за надворешни работи од ЕУ е израз на европската солидарност со либанските власти и доказ за довербата во улогата на Либан во оваа област, соопшти грчкото МНР.

Дипломатите ќе дискутираат за безбедноста, енергетиката, образованието и културата. Посебен акцент ќе биде ставен на јавната расправа што ќе се одржи на Универзитетот УСЕК во Либан за „Централната улога на историјата и идентитет во креирањето на надворешната политика“.