Климатската конференција во Мадрид пролонгирана и за денеска, но без назнаки за договор
Конференцијата на ОН за климата во Мадрид требаше да заврши вчера, но пролонгирана е и за денеска, бидејќи делегациите сè уште не се усогласија за усвојување завршен документ.
Лидерите од 196 земји треба да се договорат за конечен документ, за тоа како да се финансираат посиромашните земји за да се ублажат штетите предизвикани од климатските промени и правилата на пазарот на фосилни горива.
Островските држави кои би можеле да бидат избришани од лицето на Земјата со зголемувањето на нивото на морето, завчера ги обвинија богатите земји дека немаат чувство за обемот на климатската криза.
На вчерашната пленарна сесија стана јасно до кој степен лидерите не беа во можност да постигнат договор, бидејќи нивните барања значително се разликуваа.
Двонеделните разговори се водат под будното око на јавноста за да се види каков било знак дека владите се подготвени да го реафирмираат Договорот од Париз за 2015 година и со тоа да се посветат на поамбициозно намалување на емисиите на стакленички гасови следната година, пренесува Хина.
Целта на Парискиот договор е да се избегнат катастрофалните сценарија, на кои предупредуваат научниците, а со цел да се ограничи порастот на глобалната температура, предизвикано од согорувањето на фосилните горива.
Ново на Сител
-
Благодатниот оган се спушти во храмот над Светиот гроб во Ерусалим
-
Серафимов: Цената на месото не е зголемена за Велигден
-
Вучиќ: Тајван е Кина и точка
-
Одбележување на годишнината од масовното убиство во Мало Орашје и Дубона
-
Во Пустец откриена спомен-биста на Гоце Делчев
-
Во црквата „Св. Спас“ одбележани 121 година од смртта на Гоце Делчев
-
Тешка сообраќајка во Прилеп: Се судриле камион и мопед, возачот на камионот избегал
-
Нова авиолинија Скопје-Рига-Скопје