Ќе се реконструира улицата „Вера Јоциќ“ во Кратово
Наскоро ќе почнат градежните работи за реконструкција на улицата „Вера Јоциќ“ во Кратово. За оваа намена ќе бидат вложени околу пет милиони денари од буџетот на општината.
Трасата на улицата се протега од клучката со улица „Гоце Делчев“ до кракот пред Градскиот стадион, со вкупна должина од 581 метар.
-Во првата фаза ќе биде опфатено проширување на постоечкиот коловоз, при што стабилноста на новопроектираното решение ќе се обезбеди со потпорна конструкција, армирано – бетонски потпорен ѕид составен од два дела, со вкупна должина од околу 65 метри, информира градоначалникот на Кратово, Мите Андоновски.
Во втората фаза ќе се изврши гребење на оштетениот асфалт, целосна обнована носечкиот слој и постаување нов асфалтен слој.
- Реконструкцијата на улица „Вера Јоциќ“, како една од најважните сообраќајници во општина Кратово, е од големо значење и ќе ја зголеми безбедноста на сите учесници во сообраќајот, додаде Андоновски.
Со проектот е предвидено и да се реновира тротоарот на кој ќе се постават бекатон-плочки врз слој од дробен камен.
Ново на Сител
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата
-
НАТО ги осуди кибер нападите насочени против демократските институции, безбедноста и слободното општество
-
Канцеларија за Косово на Србија: На Петковиќ му е забранет влез во Косово за Велигден
-
Земјотрес од 5,9 степени според Рихтер ги погоди Филипините
-
ОН: Израелскиот напад врз Рафа ќе ги загрози животите на стотици илјади Палестинци
-
Посебен режим на сообраќај утре во Скопје