Ќе се подобрува управувањето со отпад во Делчево, Берово и Пехчево
Локалната акциска група (ЛАГ) Малеш – Пијанец, започнува со реализација на проект што треба да придонесе за подобрување на состојбата со управувањето со отпадот во општините Делчево, Берово и Пехчево.
Со проектот како што информираше претставникот на ЛАГ Малеш – Пијанец, Тони Стоименовски ќе се воведе почетна селекција на отпадот во трите општини.
– Со проектот во трите општини Делчево, Берово и Пехчево е предвидено собирање на отпадот преку поставување јадра за селекција на отпад од стакло, пластика и хартија, а ќе се набават контејнери и парковски канти за отпад. Исто така, се предвидува и набавка на камери кои ќе се постават на јавни површини и треба да придонесат за подобра контрола и заштита на јавните површини и урбаната опрема, вели Стоименовски.
Како еден од седумте ЛАГ-ови кои се формирани во државата, Стоименовски додава, дека неодамна е потпишан првиот договор со Агенцијата за финансиска поддршка и рурален развој за поддршка на дел од приоритетите и за институционално функционирање на самиот ЛАГ Малеш – Пијанец.
– Со реализација на овие активности очекуваме да се подобри квалитетот на живеење на граѓаните со акцент на подобро управување со отпадот, кој е еден од основните проблеми во регионот, додава Стоименовски.
Средствата кои ЛАГ-от ги добива од ресорното Министерство се во висина од 880 илјади денари, а останатите трошоци се на товар на трите општини.
Ново на Сител
-
76-годишна прилепчанка измамена за 380.000 денари - ја убедиле дека внука ѝ ќе оди во затвор
-
Оштетен автомобилот на скопјанка по тепачка со жена на Бит Пазар
-
Скопјанец нападнат од својот малолетен внук
-
Зеленски: Украина стори се што беше можно да ги отвори преговорите со ЕУ во јуни
-
СЗО: Медицинска помош не е влезена во Газа од израелското заземање на преминот Рафа, на 6 мај
-
Словачкото обвинителство побара притвор за напаѓачот на премиерот Фицо, судот за тоа ќе одлучува утре
-
УЈП ги потсетува граѓаните да ги проверат своите годишни даночни пријави за 2023
-
Тешко повредено едно лице откако српско возило излетало од автопатот Неготино - Демир Капија