Ќе се донираат средствата предвидени за најубаво украсени објекти
Средствата од буџетот на општина Крива Паланка предвидени за доделување награди за најубаво украсени објекти во градот годинава ќе бидат донирани во хуманитарни цели.
Градоначалникот на Крива Паланка, Арсенчо Алексовски, информира дека донесена е одлука годинава воопшто и да не се распишува конкурс за најубаво украсени приватен и деловен објект, кој се спроведуваше седум години.
-Досега доделувавме награди за најубаво украсени објекти и мислам дека ја постигнавме целта на ваквиот конкурс. Граѓаните ги украсуваат домовите, дуќаните, дворовите и терасите и ја надополнуваат предновогодишната атмсофера во градот. Оваа година решивме тие средства наменети за награди, околу 10.000 денари, во соработка со Меѓуопштински центар за социјални работи да ги доделиме на едно семејство во социјален ризик и да им ја разубавиме новата година, изјави Алексовски.
Според него, иако не станува збор за голема сума пари, сепак, како што рече, ќе биде добредојдена во конкретното семејство.
-Определено е повеќечлено семејство кое секако ќе биде изненадено, но и ќе има една поубава новогодишна ноќ. Ова не се големи средства, но се едно внимание од општината, проследено со желби за убава и успешна, бериќетна година за ова и сите семејства од нашиот град, додаде Алексовски.
Популарно од Македонија
Ново на Сител
-
Вучиќ: Не можам да ги соопштам имињата на 49-те помилувани лица, тоа е работа на надлежните органи
-
Мицкоски: Очекувам наскоро да биде валоризиран напредокот во Реформската агенда и да почнеме преговори со ЕУ
-
Просечната нето-плата во август изнесувала 48.733 денари
-
Зголемена употреба на дронови на одбележувањето на 23 Октомври – Денот на македонската револуционерна борба
-
Клековски: Годинава извршени 15 трансплантации на бубрег, до крајот на годината планирани уште три
-
Малолетничка сексуално вознемирена во автобус во Скопје
-
Kривична пријава за двајца вработени во Брзата помош во Тетово – не испратиле екипа за повредено лице
-
Сведоци на одбраната: Полицијата била пред дискотеката и помагала по пожарот во „Пулс“
