Кирацовски: Мојата сестра и баба се повлекуваат од работните места
Генералниот секретар на СДСМ, Александар Кирацовски, вели дека по заклучоците на Антикорупциска, од работните места ќе се повлечат неговата сестра и мајката на неговата сопруга. Тој појаснува дека од своите роднини побарал да се повлечат од нивните работни места, иако како што вели, нема право на тоа, бидејќи не влијаел ниту за нивно вработување.
- Нашата татковина, државата, општеството, покажува зрелост како никогаш досега. Граѓаните реагираат, а независните институции постапуваат согласно нивните надлежности. Пред нас се одлуки, заклучоци на Државната комисија за спречување на корупцијата. Моето лично мислење за овие одлуки ќе го задржам за себе, тоа сега не е важно.
Презедовме одговорност, пред граѓаните, да ги менуваме работите, да го менуваме системот. Нашата обврска ја исполнуваме само со конкретни чекори.
Јас бев првиот што јавно реагираше уште на првите реакции од јавноста. Таткото на мојата сопруга, Борис Поповски, веднаш го повлече својот ангажман како алатничар, преку Агнеција за времени вработувања. Во оваа насока сакам да ја известам јавноста дека побарав повлекувањe на моите роднини од работните места за кои ДКСК наоѓа некакви индиции, иако немам право на тоа, затоа што никако не сум влијаел за нивните вработувања.
Од работното место, кое нема никаква поврзаност со непотизам, се повлекуваат и мојата сестра, Мирјана Јосифовска и мајката на мојата сопруга. По нивна волја, како нивна лична одлука. Привилегии, партизација и непотизам не се вредности на СДСМ, не се ниту ќе бидат мои вредности. Очекувам Државната комисија за спречување на корупцијата да поведе постапка и за бројните партиски вработувања на ВМРО-ДПМНЕ и непотизмот кој што го раширија до невидени размери. Се друго би било дискриминација на граѓаните. Само така можеме да градиме праведно општество кое нуди фер шанса за секој наш граѓанин, напиша Кирацовски на Фејсбук.
Ново на Сител
-
Сончево и многу топло со мала до умерена облачност
-
МВР: Лишени од слобода шест возачи за возење под дејство на алкохол
-
Руската ПВО соборила 120 украински дронови
-
За осум часа 155 сообраќајни прекршоци во Скопје, 51 санкција за возачи на мотоцикл
-
Најниско задоволство од цените во мобилната телефонија, една третина не ги читаат договорите
-
Далај Лама го прославува 90. роденден
-
Зголемена фреквенција на возила, на ГП „Табановце“ за влез во државата се чека околу половина час
-
Мицкоски: Многу сме поподготвени за справување со пожари од порано, ставени се во употреба 38 возила