Кина: Во сообраќајна несреќа загинаа 12 лица, од кои 11 деца

Најмалку 12 лица, од кои 11 деца од Јужна Кореја загинаа денеска, кога нивниот училишен автобус се удри и запали во тунел, во источниот дел на Кина, соопштија официјални лица, пренесува Танјуг.

Деца на возраст од четири до седум години живеле во Вејхај, во провинцијата Шандоган, каде несреќата се случи, соопштија јужнокорејските конзуларни официјални лица.

Пропагандната служба на Вејхај соопшти на нејзината страница дека во несреќата загинаа 12 лица, а едно лице се здобило со тешки повреди.

Според зборовите на неименуван дипломат, во несреќата загина и едно дете од кинеска националност  и возачот на автомобилот, додека наставничката која е повредена на операционата маса.

Сообраќајните несреќи во Кина се многу чести, само во текот на 2015 година имало повеќе од 180.000 сообраќајни несреќи каде животот го изгубиле 58.000 луѓе.