Кина се противи на американските санкции против Ким Џонг-ун

Кинеското Министерство за надворешни работи денеска соопшти дека се противи на употребата на еднострани санкции, откако  САД објавија дека за првпат воводуваат санкции кон севернокорејскиот лидер Ким Џонг-ун, наведувајќи го како причина кршењето на човековите права.

Британските медиуми пренесуваат дека портпаролот на кинеското министерство, Хонг Леи, овој став го изнел во редовниот дневен брифинг со новинарите.

Преку Леи, Кина потсети дека ги подржа острите санкции на ОН против Северна Кореја која поседува нуклеарно оружје, но и во минатото и сега се противи на воведувањето еднострани санкции што ги наметнува САД.