Кина протестира против американскиот Закон за човековите права во Хонг Конг
Кина денеска го повика на разговор американскиот амбасадор во Пекинг, Тери Бренстад, за да му изрази „силен протест“ за одлуката на претседателот Доналд Трамп да го потпише Законот за човековите права во Хонг Конг.
Трамп претходно, како што пренесуваат британските медиуми, го потпиша законот, што го усвои Конгресот, за давање поддршка на демонстрантите во Хонг Конг и санкции кон кинеските власти.
Заменик шефот на кинеската дипломатија, Ле Јученг, на американскиот амбасадор му пренел дека таквиот чекор претставува „сериозно мешање во внатрешните работи на Кина и сериозно кршење на меѓународното право“, пренесоа американските медиуми.
Потегот на Трамп кинескиот дипломат го нарекол „ отворен хегемоностички чин“ и ги повика САД да не го применуват законот за да спречат да се направи поголема штета во односите меѓу САД и Кина.
Во претходно објавено соопштение на кинеското Министерство за надворешни работи остро се осудува потпишувањето на законот и најавените санкции кон Кина. Во него се наведува дека целиот народ на Хонг Конг и на Кина се противат на таквата одлука.
Американските медиуми додаваат дека се уште не се знае како Кина, освен усната реакција, ќе постапи по оваа одлука на Трамп.
Ново на Сител
-
Не се срамев од работа, успеав на село со свој бизнис | Сања Димковска | Sitel Podcast 041
-
Тројно убиство во Србија: 22 годишник со ловечка пушка ги убил татко му, дедото и бабата
-
МЗ: Владата усвои информација за состојбата во хируршките клиники, се укажува да се замени опремата на централната компресорска станица со нова
-
Во полициска акција во шест европски земји уапсени 17 членови на албанска нарко организација
-
Тешко повреден работник во фирма во Скопје
-
Финансиска и логистичка поддршка за македонскиот олимписки спорт од меѓународните олимписки организации
-
239 куршуми одземени од кичевчанец
-
Малолетно девојче нападнато и ограбено во Аеродром