Кина: Куче минало 40 километри дома во потрага по својот покоен сопственик
Куче во Кина минало речиси 40 километри до својот прв дом и во потрага по поранешниот покоен сопственик.
Бројни корисници на интернет-просторот го споредија верното милениче со кучето Хачико од истоимниот јапонски филм, кое девет години го чека својот сопственик на истото место. Имено, сопственикот на осумгодишното куче „Големиот Жолтко“ починал, па син му го однел животното дома – далеку од дотогашното живеалиште. Кусо потоа, нивна познаничка го снимила кучето вратено во старото село.
– Можеби тоа не разбира што значи смртта и зошто личноста која најмногу го сакаше веќе не е тука… Не очекував дека приказната за „Жолтко“ ќе стане интернет-хит. Случајно го снимив на видео бидејќи сакам кучиња, вели пријателката.
Синот на сопственикот одлучил кучето да остане во селото. „Саут Чајна морнинг пост“ објави дека кучето сега талка по улиците барајќи го својот сопственик и чека со часови пред неговата куќа надевајќи се дека ќе се појави.
Сега, се чини, „Жолтко“ е миленик на целото село.
Ново на Сител
-
ЦУК: Разгорен пожарот во реонот Селце - Драгоево, пожарникарите повлечени зашто се слуша пукање на муниција
-
МЗ: Отворен телефонски број за директна комуникација со министерот
-
Тошковски: Пристигнуваат „ер трактори“ и хеликоптери од Турција, Словенија, Србија и Црна Гора
-
Хоспитализирани уште осум лица со голема кашлица, вкупно 905 заболени
-
Поставен камен темелник за изградба на спортска сала во Лескоец
-
Помалку часови наплата на зонско паркирање во Тетово
-
Превентивно-едукативна кампања за заштита од топлотен удар на „Ќафасан“
-
Мицкоски: Утре и задутре ситуацијата со пожарите ќе се стави под контрола