Кил со многу мака ја совлада Висла во дуел од Лига на шампиони

 

На средбата одиграна синоќа, Кил славеше триумф со 26-24 во завршните четириесетина секунди, иако гостите од Полска на нецели две минути пред крајот имаа и гол предност. 

 

Хрватот, Домагој Дувњак со 10 и Србинот, Марко Вујин со 7 гола беа најзаслужни за победата на германската екипа, додека мала утеха за Роча се седумте гола за Висла, бидејќи Португалецот на една минута пред крајот на средбата при нерешен резултат 24:24 промаши удар од седум метри. 

 

Останатите натпревари од оваа рунда на програмата се претстојниот викенд (20 и 21 февруари), а за македонската јавност секако најголемо внимание ќе привлече настапот на Вардар кој во сабота пред својата публика ќе игра против Кристихјанштад. 

 

Останатите двојки ги сочинуваат: 

Сабота (20.02): ПСЖ – Бешикташ, Целје – Фленсбург (група А) и Киелце - Рајн-Некар (група Б)

Недела (21.02): Веспрем - ППД Загреб (група А), Колдинг – Монпелје и Барселона – ПИК Сегед (група Б). 

 

А група – табела: Фленсбург 18 бодови, ПСЖ 18, Веспрем 17, Кил 13, ППД Загреб 9, Висла 8, Целје 5 и Бешикташ 2. 

 

Б група – табела: Барселона 17 бодови, Пик Сегед 15, Киелце 15, Рајн-Некар 15, Вардар 12, Монпелје 7, Кристијанштад 5 и Колдинг 2.