Кичевската полиција заплени огревни дрва кои биле предмет на шумска кражба
Четири метри квадратни огревно дрво одзеде полицијата од нива во атарот на кичевското село Мамудовци. Дрвата биле без соодветна документација и предмет на шумска кражба, а ги поседувал Д.З.(40), жител на селото Туин.
Како што информира портпаролот на СВР Охрид, Стефан Димоски, акцијата биле спроведена синоќа околу 22 часот, а со Д.З., Б.Т.(29) од Мамудовци, Л.З.(18) и Б.М.(27) од Туин, како и со М.Т.(51) од Мамудовци бил извршен разговор во Полициското одделение Осломеј, бидејќи тие, во 21.40 часот, со своите возила го блокирале локалниот пат во Мамудовци за да ги спречат полициските службеници да го одземат товарното возило со дрвата.
По целосно документирање на настанот, рече Димоски, ОВР Кичево ќе поднесе соодветна пријава.
Според портпаролот, поради постоење основи на сомнение за сторено казнено дело „спречување на службено лице во вршење службени дејствија“, ОВР Кичево поднесе кривична пријава против Д.В.(38) од Кичево кој на 13 септември годинава, на шумски пат кај кичевското село Кнежино, со физички напад се обидел да спречи полициски службеници во преземање службени дејства кон возач на товарно возило кој превезувал 15 метри квадратни огревно дрво без соодветна документација.
Ново на Сител
-
Тема на денот со Димитар Ковачевски, претседател на СДСМ
-
Годишнина од заседата кај Ваксинце
-
Христијаните го празнуваат Велики петок
-
Обичаи и верувања за Велики петок
-
Дали и кој ќе им ги врати парите на граѓаните кои платија поскапо осигурување за регистрација на возилата?
-
Дали Токсикологија е одраз на функционирањето на здравствениот систем?
-
Македонија на 36-то место на индексот за слобода на медиумите за 2024 година на „Репортери без граница“
-
Тивок бојкот или уште поголема излезност? Мицкоски уверува дека цензусот за Силјановска е обезбеден