Керим: Потребна е реформа, а не само ревитализација на органите на ОН
За справување со глобалните проблеми со кои се соочува светот и поефикасно решавање на предизвиците, започнувајќи од безбедноста и тероризмот, па се до миграциската криза, потребна е реформа, а не само ревитализација на органите на Обединетите нации.
Ова вчера во своето излагање во Њујорк пред Источноевропската група во Обединетите нации на тема „Улогата на Генералното собрание во зајакнување на Обединетите нации“ го порача поранешниот претседавач со Генералното собрание и кандидат за генерален секретар на ОН Срѓан Керим.
- За да ја зачуваме и продолжиме традицијата и визијата на основачите на ООН, имаме за цел, како дипломати и реформатори, да постигнеме транспарентност, ефикасност и темелитост во Генералното собрание и Советот за безбедност на ОН, нагласи Керим.
На состанокот се зборуваше и за изборот на следниот генерален секретар на Обединетите нации со оглед дека редоследот е на Источно Европската група, за ревитализација на Генералното собрание, како и за реформа на системот на Обединетите нации.
Во дебатата учествуваа и амбасадорите на Полска, Чешка, Унгарија, Ерменија, Молдавија, Белорусија, Литванија, Латвија и други земји.
Ново на Сител
-
Нема кој да ги управува „Ер тракторите“ на Дирекцијата за заштита и спасување
-
Хамас: Нема напредок во преговорите со Израел, САД ни вршат притисок
-
Најмалку 18 лица загинати, а 30 повредени при терористички напади во североисточна Нигерија
-
Во Франција се одржува првиот круг вонредни парламентарни избори
-
Сообраќајот се одвива непречено, по суви коловози, золемен интензитетот надвор од градските средини
-
Сончево и многу топло време со температури до 38 степени
-
Во Белград уапсено уште едно лице под сомнение за терористичко здружување
-
Орбан: Проширувањето на ЕУ кон Западен Балкан е запрено, на европскиот блок му се потребни нови членки