Вреди ќе добие заменик во АНБ

Вреди ќе има заменик директор во Агенцијата за национална безбедност. Од коалицијата денеска на прес конфернеција потврдија дека се планира спојување на Агенциите за безбедност и разузнавање во една агенција а тие и таму ќе останат на заменичката позиција. 

Претседателката Силјановска вчера информираше дека го разрешила директорот на Агенцијата за разузнавање Еролд Муслиу и на негово место ја назначи Габриела Јаковлева. Разрешена е и заменичката Александра Додовска а на нејзино место Силјановска ја назначи Ивана Стојановска.

Муслиу реагираше дека бил разрешен поради партиски притисоци а ДУИ очекувано забележа дека се намалувал бројот на етнички Албанци во безбедносните служби.